Availability: In Stock

Madachandia O Anyamane

Author: Rozalini Mishra

230.00

ପୁସ୍ତକ ‘ମଡ଼ାଚଣ୍ଡିଆ ଓ ଅନ୍ୟମାନେ’ରେ ସ୍ଥାନିତ ହୋଇଛି ବାଇଶିଟି ଗଳ୍ପ । ଏଥିରେ ଅଧିକାଂଶ ଗଳ୍ପର ଚରିତ୍ରଗୁଡ଼ିକ ବିଲୁପ୍ତ ପ୍ରାୟ । ଗାଁ ଗହଳି ମାନଙ୍କରେ ଏବେ କ୍ୱଚିତ୍ ଆସୁଛନ୍ତି ଆଖି ସାମ୍ନାକୁ । ଏବେ ଦେଖିବାକୁ ମିଳୁନାହାନ୍ତି ହୁଏତ ଆଉ କିଛିବର୍ଷ ପରେ ଶୁଣିବାକୁ ବି ମିଳିବେନି । ‘ମଡ଼ାଚଣ୍ଡିଆ’, ‘ସାହାଡ଼ାସୁନ୍ଦରୀ’, ‘ଜାନୁଘଣ୍ଟ’, ‘ବାଳିକାବଧୂ’ ପରି ଏମିତି ଆହୁରି କିଛି ଚରିତ୍ର ବି ଏଥିରେ ସ୍ଥାନିତ, ଯେଉଁମାନେ କି ଆଜିର ପିଢ଼ି ପାଖରେ ସମ୍ପୂର୍ଣ୍ଣ ଅପରିଚିତ କହିଲେ ଚଳେ । ଯେଉଁସବୁ ଶବ୍ଦ ବା ଚରିତ୍ରମାନଙ୍କୁ ପିଲାଦିନରୁ ଶୁଣି ଶୁଣି ମୁଁ ମୋ ଅବଚେତନ ମନ ଭିତରେ ସାଇତି ରଖିଥିଲି ଆଜିଯାଏ, ସେ ସବୁ ଶବ୍ଦ ଆଉ ଚରିତ୍ରମାନେ ଆଜିକାଲିର ପିଲାମାନଙ୍କ ପାଇଁ ଅଭିଧାନ ବହିର୍ଭୁତ । ମୁଁ ଖୁବ୍ ଛୋଟବେଳୁ ମୋ ଜେଜେମା\’ ପାଖରୁ ଅନେକବାର ଶୁଣିଛି ସାହାଡ଼ାସୁନ୍ଦରୀ କଥା, କଲୁରୀବେଣ୍ଟ କଥା, କଲରେଇ ଫୁଲ କଥା ପରି ଅନେକ ଗପ । ଆଜିକାଲିର ଛୁଆ ଏମାନଙ୍କୁ କେତେ ଚିହ୍ନନ୍ତି!

ମୋ ପିଲା ମନରେ ସେତେବେଳେ ଖୁବ୍ ପ୍ରଭାବ ପକେଇଥିବା ଆଉ ଛାପିହୋଇ ରହି ଯାଇଥିବା ଚରିତ୍ରମାନଙ୍କୁ ମୁଁ କେବଳ ସାଇତି ରଖିବାକୁ ଚାହିଁଛି ମୋ ଲେଖା ମାଧ୍ୟମରେ ଏହି ସଙ୍କଳନରେ ସ୍ଥାନିତ କରି । ମୋ ଜୀବନର ଅପରାହ୍ନରେ, କାଳର କରାଳ ଗତି ଭିତରେ ହୁଏତ ଏମାନେ ଆଉ ଆଦୌ ନ ଥାଇ ପାରନ୍ତି । କିନ୍ତୁ ସେତେବେଳେ ଯେବେବି ମୁଁ ମୋର ଏହି ବହିକୁ ପଢ଼ିବି, ନିଶ୍ଚୟ ମନେପଡ଼ିବ ମୋର ମୋ ପିଲାଦିନ । ଯଦି କେବେ ମୋର ଉତ୍ତରପିଢ଼ି ଏହି ବହିକୁ ପଢନ୍ତି ତେବେ ନିଶ୍ଚୟ ତାଙ୍କ ମନ ଆନ୍ଦୋଳିତ ହେବ ଯେ, “ଏମିତି ଚରିତ୍ରମାନେ ବି ଏ ସମାଜରେ ଥିଲେ ସତରେ!” –ରୋଜାଲିନି ମିଶ୍ର

Category:

Description

About the Author

ରୋଜାଲିନି ମିଶ୍ର ୫ ଜାନୁଆରୀ ୧୯୮୩ରେ ଖୋର୍ଦ୍ଧା ଜିଲ୍ଲାର ପ୍ରତାପରୁଦ୍ରପୁର ଶାସନରେ ଜନ୍ମଗ୍ରହଣ କରିଥିଲେ । ସେ ଏକାଧାରରେ ଜଣେ ଲେଖିକା ଓ ପ୍ରାଚୀନ କଳାକେନ୍ଦ୍ର, ଚଣ୍ଡୀଗଡ଼ ବିଶ୍ୱବିଦ୍ୟାଳୟରୁ ତାଲିମପ୍ରାପ୍ତ ଓଡ଼ିଶୀ କଣ୍ଠଶିଳ୍ପୀ । ରୋଜାଲିନିଙ୍କର ପ୍ରାୟ ୧୫୦ରୁ ଊର୍ଦ୍ଧ୍ୱ ଗଳ୍ପ, ପ୍ରବନ୍ଧ, ରମ୍ୟରଚନା, ଭ୍ରମଣ କାହାଣୀ ଇତ୍ୟାଦି ବିଭିନ୍ନ ପତ୍ରପତ୍ରିକା ଯଥା- ‘କାଦମ୍ବିନୀ’, ‘ରେବତୀ’, ‘ଶୋଭନା’, ‘ଯୁବପ୍ରଭା’, ‘ସମାଜ’, ‘ଧରିତ୍ରୀ’, ‘ପ୍ରଗତିବାଦୀ’, ‘ନିତିଦିନ’ ଆଦିରେ ପ୍ରକାଶିତ । ସେ ପାଇଥିବା ସମ୍ମାନ ମଧ୍ୟରେ ‘ଅଭିନନ୍ଦନ’ ତରଫରୁ ଶ୍ରେଷ୍ଠ ଗାଳ୍ପିକା ୨୦୨୨ ସମ୍ମାନ, ସୁବର୍ଣ୍ଣା ଲେଖିକା ସମ୍ମାନ, କେଦାର ଭାରତୀ ଗାଳ୍ପିକା ସମ୍ମାନ, ପାନାସିଆ ଜୁରୀ ମେମ୍ବର ସମ୍ମାନ, ପ୍ରତିଲିପି ସମ୍ମାନ, ପ୍ରଗତିବାଦୀ ଲେଖିକା ସମ୍ମାନ ଉଲ୍ଲେଖଯୋଗ୍ୟ । ତାଙ୍କର ଗଳ୍ପ ‘ଗୌତମୀ ଓ କାପାଳିକ’ ଏବଂ ‘ଘୁଙ୍ଗୁର’ ସରଳ କୁମାର ଦାସଙ୍କ ସମ୍ପାଦିତ ‘ଶ୍ରେଷ୍ଠଗଳ୍ପ-୨୦୨୧’ ଓ ‘ଶ୍ରେଷ୍ଠ ଗଳ୍ପ-୨୦୨୨’ରେ ସଂକଳିତ ।

Product details

  • Publisher ‏ : ‎ Black Eagle Books
  • Publication date ‏ : ‎ 6 October 2024
  • Language ‏ : ‎ Oriya
  • Print length ‏ : ‎ 156 pages
  • ISBN-10 ‏ : ‎ 1645605906
  • ISBN-13 ‏ : ‎ 978-1645605904
  • Item Weight ‏ : ‎ 204 g
  • Dimensions ‏ : ‎ 13.97 x 0.91 x 21.59 cm
  • Importer ‏ : ‎ Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253
  • Packer ‏ : ‎ Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253

Indian Edition Also available on:

Additional information

book-author

Language

Odia

select-format

Paperback