Description
About the Author
ବଙ୍ଗଳାର ଲୋକପ୍ରିୟ ଔପନ୍ୟାସିକ ବିଭୂତିଭୂଷଣ ବନ୍ଦ୍ୟୋପାଧ୍ୟାୟ (ସେପ୍ଟେମ୍ବର ୧୨, ୧୮୯୪-ନଭେମ୍ବର ୧, ୧୯୫୦) ୨୪ ପ୍ରଗଣା ଜିଲ୍ଲାର ମୂରତିପୁର ଗ୍ରାମରେ ଜନ୍ମଗ୍ରହଣ କରିଥିଲେ । ରିପନ ମହାବିଦ୍ୟାଳୟରୁ ବିଏ ପାସ୍ କରି ଶିକ୍ଷକତାକୁ ନିଜର ବୃତ୍ତି ରୂପେ ଗ୍ରହଣ କରିଥିଲେ ଓ ଗୋପାଳନଗର ବିଦ୍ୟାଳୟରେ ଜୀବନର ଶେଷ ପର୍ଯ୍ୟନ୍ତ ଶିକ୍ଷକ ଭାବରେ କାର୍ଯ୍ୟ କରିଥିଲେ । ତାଙ୍କର ପ୍ରଥମ ଗଳ୍ପ ‘ଉପେକ୍ଷିତା’ ୧୯୨୨ ମସିହାରେ ପ୍ରବାସୀ ପତ୍ରିକାରେ ପ୍ରକାଶିତ ହୋଇଥିଲା । ମାତ୍ର ୨୧ ବର୍ଷର ଲେଖକ ଜୀବନରେ ସେ ଅନେକ ଉପନ୍ୟାସ, ଗଳ୍ପ, ଶିଶୁ ଗଳ୍ପ ଇତ୍ୟାଦି ଲେଖିଥିଲେ । ତାଙ୍କର ଉପନ୍ୟାସମାନଙ୍କ ମଧ୍ୟରେ ‘ପଥେର ପାଞ୍ଚାଲି’, ‘ଅପରାଜିତୋ’, ‘ଆରଣ୍ୟକ’, ‘ଇଚ୍ଛାମତି’, ‘ଦେବଯାନ’ ଇତ୍ୟାଦି ଖୁବ୍ ଲୋକପ୍ରିୟ । ତାଙ୍କର ଲେଖାରେ ଗ୍ରାମାଞ୍ଚଳ ବଂଗଳାର ଜନଜୀବନ ତଥା ପ୍ରାକୃତିକ ସୌନ୍ଦର୍ଯ୍ୟର ଚିତ୍ର ପ୍ରତିଫଳିତ । ଉପନ୍ୟାସ ‘ଇଚ୍ଛାମତି’ ପାଇଁ ସେ ମରଣୋପରାନ୍ତ ୧୯୫୧ର ରବୀନ୍ଦ୍ର ପୁରସ୍କାରରେ ପୁରସ୍କୃତ । ତାଙ୍କର ଅନେକ ଉପନ୍ୟାସ ପ୍ରଖ୍ୟାତ ନିର୍ଦ୍ଦେଶକ ସତ୍ୟଜିତ ରାୟ ଓ ଅନ୍ୟମାନଙ୍କ ଦ୍ୱାରା ଚଳଚ୍ଚିତ୍ରରେ ରୁପାନ୍ତରିତ କରାଯାଇଛି ।
ଲକ୍ଷ୍ମୀନାରାୟଣ ମହାନ୍ତି (ଅକ୍ଟୋବର ୧, ୧୯୧୯-ଜାନୁଆରୀ ୨୭, ୨୦୦୫) ଥିଲେ ବହୁମୁଖୀ ପ୍ରତିଭାର ଅଧିକାରୀ । ଯଦିଓ ଅନୁବାଦ ସାହିତ୍ୟକୁ ତାଙ୍କର ବିଶେଷ ଅବଦାନ ରହିଛି, ସେ ମଧ୍ୟ ଉପନ୍ୟାସ, ଗଳ୍ପ, ଜୀବନୀ, ଦର୍ଶନ ଇତ୍ୟାଦିରେ ନିଜର ସ୍ୱାକ୍ଷର ଛାଡ଼ିଦେଇ ଯାଇଛନ୍ତି । ତାଙ୍କର ପ୍ରଥମ ଅତିକ୍ଷୁଦ୍ରଗଳ୍ପ ‘ଅନୁରକ୍ତି’ ୧୯୪୪ରେ ସହକାର ପତ୍ରିକାରେ ପ୍ରକାଶିତ ହୋଇ ସମୀକ୍ଷକଙ୍କ ଦୃଷ୍ଟିଗୋଚର ହୋଇଥିଲା । ବାରଖଣ୍ଡ ଗଳ୍ପ ସଂକଳନ, ଆଠଖଣ୍ଡ ଉପନ୍ୟାସ ଏବଂ ପଚାଶରୁ ଊର୍ଦ୍ଧ୍ୱ ଅନୁବାଦ ପୁସ୍ତକର ସ୍ରଷ୍ଟା ଲକ୍ଷ୍ମୀନାରାୟଣ ମହାନ୍ତିଙ୍କୁ ‘ଆରଣ୍ୟକ’ ଅନୁବାଦ ଉପନ୍ୟାସ ପାଇଁ ୧୯୯୦ରେ ସାହିତ୍ୟ ଅକାଦେମୀର ଅନୁବାଦ ପୁରସ୍କାରରେ ପୁରସ୍କୃତ କରାଯାଇଛି ।
Product details
- Publisher : Black Eagle Books
- Publication date : 14 January 2025
- Language : Oriya
- Print length : 290 pages
- ISBN-10 : 1645606392
- ISBN-13 : 978-1645606390
- Item Weight : 372 g
- Dimensions : 13.97 x 1.65 x 21.59 cm
- Importer : Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253
- Packer : Bookswagon, 2/13 Ansari Road, Daryaganj, New Delhi 110002, Sales@bookswagon.com , 01140159253
Indian Edition Also available on:
